დღეს , M4 ავტობანზე რამდენიმე სერიოზული ავტოსაგზაო შემთხვევა მოხდა, რამაც ფართომასშტაბიანი ქაოსი და მოძრაობის პარალიზება გამოიწვია.
ყველაზე მძიმე ავარია მოხდა უილტშირის მონაკვეთში, სადაც მსუბუქი ავტომობილი გზიდან გადავიდა და ცეცხლი გაუჩნდა. შედეგად, 18 წლის გოგო ადგილზე დაიღუპა.
ამავე გზაზე სხვა სერიოზული შემთხვევაც დაფიქსირდა — BMW შეეჯახა სამგზავრო ავტობუსს (National Express). მძღოლი მძიმე მდგომარეობაში გადაიყვანეს საავადმყოფოში.
ინციდენტების გამო M4-ის ნაწილი სრულად დაიკეტა და გზის გახსნა რამდენიმე საათის (ზოგ მონაკვეთში 24 საათზე მეტის) განმავლობაში ვერ მოხერხდა. ადგილზე მუშაობდნენ პოლიცია და საგანგებო სამსახურები.
გარდა ამისა, იმავე ავტობანზე დაფიქსირდა კიდევ რამდენიმე ავარია (მათ შორის სატვირთოების შეჯახებაც), რამაც საცობები და დამატებითი შეფერხებები გამოიწვია.
About the Author
